Футбол бўйича Италия кубоги ярим финалига йўлланма олган учинчи жамоа номига ойдинлик киритилди. Бунга қадар «Ювентус» «Милан»ни, «Наполи» эса «Фиорентина»ни таслим қилиб, финал остонасида тўп суриш имкониятини қўлга киритганди.
Чорак финалнинг учинчи ўйини «Интер» ҳамда «Лацио» клублари ўртасида кечиб, Рим клуби 2:1 ҳисобида ғалаба қозонди. 54-дақиқага келиб бош ҳакам миланликлардан Жоао Мирандани четлатди ва «Интер» дарвозасига пенальти қўйди. Бу ҳолатни эса Стефан Пиоли шогирдлари ўнглай олмади. Қайд этиш керак, «Интер» кетма-кет тўққиз учрашувда рақибларидан мағлуб бўлмай келаётганди.
Чорак финалнинг сўнгги ўйини бугун — 1 февраль санасида ўтказилиб, унда «Рома» қуйи лига вакили бўлган «Чезена»га қарши кураш олиб боради.
Италия кубоги 1/4 финал 31 январь, сешанба
«Интер» — «Лацио» 1:2
Голлар: Фелипе Андерсон, 20 (0:1). Лукас Билья, 56-пен (0:2). Марсело Брозович, 84 (1:2).Четлатишлар: Жоао Миранда, 54 (I). Штефан Раду, 76 (Л).1 февраль, чоршанба«Рома» — «Чезена»
Франция кубогида 31 январь куни 1/16 финал ўйинлари старт олди. Ўтган ҳафта иккита трансферни амалга ошириб, «Ювентус»дан Патрис Эврани, «Вест Ҳэм»дан эса Дмитри Пайетни сафга қўшиб олган «Марсель» нимчорак финалга йўлланма олди. Клуб бу йўлда «Юнайтед»дан Мемфис Депайни олиб келган «Лион»ни турнирдан чиқариб юборди.
Франция кубоги 1/16 финал 31 январь, сешанба
«Шатору» — «Лорьян» 2:3
Голлар: Умар Тункара, 5 (1:0). Жимми Кабо, 49 (1:1). Теосон Сьебатшё, 62 (2:1). Кафу, 77 (2:2). Кафу, 111-пен (2:3).Четлатиш: Альдо Ангула, 109 (Ш).«Бордо» — «Дижон» 2:1
Голлар: Малком, 53 (1:0). Луа Дьони, 83 (1:1). Гаэтан Лаборде, 90+2 (2:1).«Лилл» — «Нант» 1:0
Гол: Себастьян Коршя, 81-пен (1:0).«Марсель» — «Лион» 2:1
Голлар: Род Фанни, 24 (1:0). Корентин Толиссо, 64 (1:1). Матеус Дория, 109 (2:1).1 февраль, чоршанба«Осер» — «Сент-Этьен»«Анже» — «Кан»«Серкль Атлетик» — «Нанси»«Шамбли» — «Монако»«Ренн» — «ПСЖ»
Изоҳ (0)