“Барселона” футболчиси Ламин Ямал “Олтин тўп” ҳақида гапирди. Бу ҳақда Championat нашри хабар бермоқда.
— Мен “Олтин тўп”ни ютиш ҳақида ўйлаганим йўқ. Мен фақат ўз ўйинимдан завқ олишни ва уни янада яхшилашни хоҳлайман. Агар бу мукофот менга насиб этган бўлса, албатта, бу содир бўлади, — дея Ямалнинг сўзларини келтиради COPE нашри.
— Айтишларича, 5 июнь, пайшанба куни сиз УЕФА Миллатлар Лигаси доирасидаги Испания ва Франция терма жамоалари ўртасидаги ўйинда Дембеле билан “Олтин тўп” учун курашасиз. Сиз мукофотни кимга берар эдингиз: ушбу ўйинда ғалаба қозонганга ёки йилнинг энг яхши футболчисига?
— Агар “Олтин тўп” тақдири пайшанба кунги ўйинда ҳал бўлса, шунга қараб ҳаракат қиламан. Лекин мен мукофотни йилнинг энг яхши футболчисига берар эдим. Кимга? Исмни сир қолдираман, — дея қўшимча қилди Ямал.
Маълумот учун, Ямал 2024/25 йилги мавсумда барча мусобақалар доирасидаги 55 та ўйинда майдонга тушиб, ўз ҳисобига 18 та гол ва 25 та голли узатма ёздириб қўйган. У “ПСЖ” футболчиси Усмон Дембеле билан “Олтин тўп” учун асосий даъвогар бўлиб турибди.
Изоҳ (0)