Украина фронтнинг барча ҳудудларида ўт очишни тўлиқ ва шартсиз тўхтатиш бўйича келишувни талаб қилишни давом эттирмоқда. Бу ҳақда Украина президенти Владимир Зеленский Zoom орқали мулоқот пайтида маълум қилди.
Зеленский Россия Федерацияси томонидан жанговар ҳаракатлар ҳудудининг айрим қисмларида 2-3 кунга ўт очишни тўхтатиш таклифини шарҳлар экан, Украина фронтнинг барча ҳудудларида ўт очишни тўлиқ ва шартсиз тўхтатиш бўйича келишувни талаб қилишни давом эттиришини билдирган.
Украина раҳбарининг таъкидлашича, ўт очишни тўхтатиш масаласида Украина ўз позициясини ўзгартирмаган ва ўт очишни сўзсиз тўхтатиш, асирларни алмашиш, болалар ва тинч аҳолини қайтаришни талаб қилмоқда.
Унинг айтишича, россияликлар ҳозирча ўт очишни тўхтатиш имкониятини кўрмаяпти.
“Улар ҳалок бўлганларни жанг майдонидан олиб кетиш учун икки-уч кунга ўт очишни тўхтатишга тайёр. Менимча, ўт очишни тўхтатиш қурбонлар бўлмаслиги учун керак. Яъни уларнинг кайфиятини кўряпсиз — бу улар учун урушда қисқа танаффус масаласи холос”, дея таъкидлади у.
Шу муносабат билан Украина президенти америкалик ҳамкорлар “қатъий чоралар кўриб, санкциялар пакетини Сенатга юборишларини ва “руслар”ни кучли санкциялар билан ўт очишни тўхтатишга мажбур қилишларини” жуда истаётганини таъкидлади.
“Улар бошқача тушунишмаяпти ҳали. Ва биз буни адолатли деб ҳисоблаймиз. Ахир АҚШ ўт очишни тўлиқ тўхтатиш ҳақида сигнал берганидан бери бешинчи ой ўтмоқда ва биз уларни қўллаб-қувватладик”, дея қўшимча қилди Зеленский.
Украина президенти 2 июнь куни Истанбулда Украина ва Россия ўртасидаги музокаралар давомида келишилган янги ҳарбий асирлар алмашинуви тафсилотлари ҳақида ҳам ма`лумот берган.
“Ҳарбийларимиз алмашинуви бўлади. “Мингга минг” алмаштирилади. Қўшимча равишда яна “200 га 200” бўлиши мумкин. Чунки Украина сиёсий маҳбуслар ва журналистлар масаласида қўшимча ҳарбийлар мавзусини кўтарди”, деб маълум қилди президент.
Унинг айтишича, шу ҳафта россияликлар билан алоҳида рўйхатлар алмашинуви ўтказилади.
“Шунингдек, текширув ҳам амалга оширилади. Умид қиламизки, бу сафар улар ўзларини бир оз масъулиятли тутиб, алмаштирув рўйхатларини олдиндан тақдим этишади”, дея таъкидлади Зеленский.
Украина раҳбари россияликлар ҳалок бўлган украиналик аскарларнинг жасадларини топширишга тайёрлигини билдирганини ҳам қўшимча қилди.
“Олти минг. Бизнинг томон олти минг рус жасадини Россия томонига топширишга розилик берди. Лекин бу масалани жуда синчковлик билан ўрганиш лозим. Мен бу ҳақда мудофаа вазири Умеровга айтдим. Нега? Чунки маълум бўлишича, ўша олти минг русдан атиги 15 фоизи аниқланган. Буни ҳаммаси текширилиши жуда муҳим. Бизникиларнинг барчасини қайтариб олишимиз керак. Бизда бир марта шундай ҳолат бўлганки, улар жасадларни топширганида, ўзларининг ҳалок бўлган рус аскарларини ҳам қўшиб юборишган”, деди Украина раҳбари.
Россия делегацияси раҳбари Владимир Мединский Истанбулдаги тинчлик музокараларида Россия Федерацияси Украинага ҳалок бўлган ҳарбийларнинг жасадларини олиб кетиш имконияти бўлиши учун фронтнинг айрим участкаларида 2-3 кун давомида ўт очишни тўхтатишни таклиф қилганини айтган эди.
Изоҳ (0)