Футбол бўйича Аргентина терма жамоаси ва «Барселона» клуби ҳужумчиси Лионель Месси «Реал» етакчиси Криштиану Роналдуга бўлган муносабати ҳақида сўзлаб берди, деб хабар бермоқда «Чемпионат».
Аргентиналик 29 ёшли футболчи Роналдуни ҳурмат қилишини айтиб, футболда узоқ йиллар давомида уни нима илҳомлантиришини маълум қилди.
Роналду билан бир-биримизни ҳурмат қиламиз. У кўплаб ютуқларга эришган буюк футболчи. Клуб ва мамлакат термаси учун мукофот ютиш мени илҳомлантиради. Шунинг учун аввалги муваффақиятларимга қарамайман. Балки бу ишни фаолиятимни якунлагач қиламан. Аммо айни вақтда фақат олға юриб, янги ғалабаларга интиламан.Аввалроқ португалиялик 31 ёшли футболчи Месси билан дўст эмаслигини, аммо улар ўртасида ўзаро ҳурмат бор эканини айтганди.Лионель Месси, «Барселона» ҳужумчиси
Месси билан яқин дўст эмасмиз, аммо бир-биримизни ҳурмат қиламиз. Матбуот орамизда катта рақобат борлигини кўрсатишга уринмоқда, бироқ ундай эмас. Ўзаро ҳурматимиз бор.Криштиану Роналду, «Реал» ҳужумчиси
Шунингдек, ФИФА талқини бўйича 2016 йилнинг энг яхшиларини тақдирлаш маросимидан кейин португалиялик ҳужумчи Мессининг телефон рақамига эга эмаслигини айтганди. Роналду The Best мукофотига эга чиққанди, тақдимот маросимига келмаган Месси эса уни табрикламаган эди.
Мессидан SMS олдимми? Ҳазиллашяпсизми? Менда унинг телефон рақами йўқ. Мен уни одамлар қаршисида табриклаганман. У тақдимотга келмади. Тадбирда иштирок этмай туриб кимнидир табриклаш қийин. У «Олтин тўп» мукофотларини ютганида, уни табриклаганман. Бу сафар эса у келмади.Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.Криштиану Роналду, «Реал» ҳужумчиси
Изоҳ (0)