АҚШ пойтахтидаги Капитолий тепалигида, Конгресс биноси атрофида 15 январь, якшанба куни инаугурация маросими репетицияси бўлиб ўтди. Бу ҳақда «ТАСС» хабар бермоқда.
Сайланган президент ва вице-президент қасамёд келтириши билан боғлиқ ҳаракатларни такрорлаш тайёргарлик жараёнининг асосий қисмини ташкил этди. Сиёсатчилар ва уларнинг турмуш ўртоқлари ролини АҚШ қуролли кучлари қуруқликдаги қўшинлари мусиқий гуруҳи қатнашчилари ижро этди.
Ҳарбий хизматчилар сайланган президентнинг Оқ уйдан инаугурация ўтказиладиган жойга томошабинлар учун ўриндиқлар ўрнатиб бўлинган Пенсильвания-авеню кўчаси бўйлаб боришини ҳам репетиция қилди. Шу муносабат билан Вашингтон маркази полиция томонидан тўсиб қўйилди ва бу якшанба куни ҳаракатланишда маълум қийинчиликлар туғдирди.
Эслатиб ўтамиз, Дональд Трампнинг инаугурация маросими 20 январь, жума куни бўлиб ўтади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)