Футбол бўйича Англия Премьер-лигасида 21-тур доирасида 8 та учрашув бўлиб ўтди ва бу ўйинларда Лондон клублари йирик ғалабаларни тантана қилди.
Мавсумни кўнгилдагидек бошлай олмаган «Вест Ҳэм» ўз майдонида «Кристал Пэлас»ни қабул қилди ва йирик ғалабага эришди. Учрашув Лондон дербиси бўлгани важидан айтиш керак: мазкур шаҳарнинг фақатгина Сэм Эллардайс бошқариб борадиган жамоаси имкониятни бой бериб қўйди.
Лигада пешқадам бўлиб турган «Челси» ўтган тур «Тоттенҳэм»га имкониятни бой берган ва 13 та турдан буён давом этиб келаётган ғалабали сериясига якун ясаганди. Антонио Конте жамоаси бу сафар мамлакатнинг амалдаги чемпиони «Лестер» майдонига сафар этди ва испаниялик футболчилар томонидан урилган голлар эвазига муваффақият қозонди.
«Тоттенҳэм» ва «Арсенал» клублари 4 та гол фарқи билан зафар қучди. «Тўпчилар» Уэльсда «Суонси»га имконият қолдирмаган бўлса, «шпорлар» ўз майдонида «Вест Бромвич» дарвозасига 4 та гол урди. Ҳужумчи Ҳарри Кейн хет-трик қайд этишга муваффақ бўлди.
21-турга келиб ва ниҳоят «Халл Сити» футболчилари ҳам 3 очкони қўлга киритди. Бунга қадар «йўлбарслар» 9 турдан буён ғалаба нима эканини билмай келаётганди.
Англия Премьер-лигаси 21-тур беллашувлари 14 январь, шанба
«Тоттенҳэм» — «Вест Бромвич» 4:0
Голлар: Ҳарри Кейн, 12 (1:0). Гарет Маколи, 26-авт (2:0). Ҳарри Кейн, 77 (3:0). Ҳарри Кейн, 82 (4:0).«Бёрнли» — «Саутгемптон» 1:0
Гол: Жоуи Бартон, 78 (1:0).«Вест Ҳэм» — «Кристал Пэлас» 3:0
Голлар: Софиан Фегули, 68 (1:0). Эндрю Кэрролл, 79 (2:0). Мануэль Лансини, 86 (3:0).«Сандерленд» — «Сток Сити» 1:3
Голлар: Марко Арнаутович, 15 (0:1). Марко Арнаутович, 22 (0:2). Питер Крауч, 34 (0:3). Жермейн Дефо, 40 (1:3).«Суонси» — «Арсенал» 0:4
Голлар: Оливье Жиру, 37 (0:1). Жек Корк, 54-авт (0:2). Кайл Нотон, 67-авт (0:3). Алексис Санчес, 74 (0:4).«Уотфорд» — «Мидлсбро» 0:0
«Халл Сити» — «Борнмут» 3:1
Голлар: Жуниор Станислас, 3-пен (0:1). Абель Эрнандес, 32 (1:1). Абель Эрнандес, 50 (2:1). Тайрон Мингс, 62-авт (3:1).«Лестер» — «Челси» 0:3
Голлар: Маркос Алонсо, 6 (0:1). Маркос Алонсо, 51 (0:2). Педро, 71 (0:3).15 январь, якшанба«Эвертон» — «Манчестер Сити»«Манчестер Юнайтед» — «Ливерпуль»
Изоҳ (0)