АҚШ президенти Барак Обама 13 январь, жума куни Россияга нисбатан санкцияларни яна бир йилга узайтирди. Бу ҳақда «ТАСС» хабар бермоқда.
«Россия ҳукумати сиёсати ва ҳаракатлари АҚШ миллий хавфсизлиги ва ташқи сиёсати учун фавқулодда хавф туғдиришда давом этмоқда. Шу сабабли Украина билан боғлиқ фармонга мувофиқ, санкциялар тартибини узайтириш ҳақида қарор қабул қилдим», — дея маълум қилди Обама.
Маълумот учун, фармоннинг ўзи 2014 йил 6 мартда қабул қилинганди.
Эслатиб ўтамиз, олдинроқ Россия бош вазирининг биринчи ўринбосари Игорь Шувалов яқин орада Европа давлатларининг Россияга қарши санкциялари бекор этилиши мумкинлигини тахмин қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)