Винченцо Монтелла мураббийлик қилаётган «Милан» футбол клуби Италия кубогининг чорак финалига йўлланма олди. Туриннинг «Торино» клубига қарши ҳаракат қилган миланлик футболчилар иродали ғалабага эришди — 2:1.
Учрашувда ҳисоб «Торино» футболчилари томонидан очилган бўлса-да, кейинроқ «Милан» 2 та гол уришга муваффақ бўлди.
Маълумот учун, «Милан» бир мавсум аввал кубок финалига қадар етиб борган ва якунда «Ювентус»дан енгилганди. Кейинроқ эса Қатар мезбонлик қилган Италия Суперкубогида «Ювентус»ни мағлуб этишга муваффақ бўлганди.
Қизиқ томони, «Милан» Италия кубогининг чорак финалида яна ўша «Ювентус» билан тўқнаш келди. Беллашув 25 январь куни бўлиб ўтади. Чорак финалнинг иккинчи жуфтлигида «Наполи» ва «Фиорентина» клублари ўзаро ҳисоб-китоб қилади.
Яна саккиз жамоа чорак финал сари ҳаракатни бошлаган. Қуйида улар иштирокидаги ўйинлар анонси келтириб ўтилган. «Интер» ва «Лацио» иштирок этадиган жуфтлик ғолиблари чорак финалда тўқнаш келади. «Рома» зафар қучса, ярим финал йўлида «Сассуоло» — «Чезена» учрашуви ғолиби билан беллашади.
Италия кубоги 1/8 финал 12 январь, пайшанба
«Милан» — «Торино» 2:1
Голлар: Андреа Белотти, 27 (0:1). Юрай Куцка, 61 (1:1). Жакоко Бонавентура, 63 (2:1).12 январь, пайшанба«Милан» — «Торино»
17 январь, сешанба«Интер» — «Болонья»
18 январь, чоршанба«Лацио» — «Женоа»«Сассуоло» — «Чезена»
19 январь, пайшанба«Рома» — «Сампдория»
Изоҳ (0)