Америкалик генетик, тиббиёт ва физиология соҳасида Нобель мукофоти лауреати Оливер Смитис 91 ёшида оламдан ўтди. Бу ҳақда Нобель қўмитасининг Twitter’даги саҳифаси орқали маълум қилинди.
Олим 10 январь куни узоқ давом этмаган хасталик туфайли вафот этди.
Смитис 1925 йили Британиянинг Галифакс шаҳрида туғилган. Оксфорд университетини тамомлаган, Шимолий Каролина университетида профессор сифатида ишлаб келган.
Нобель мукофотини Смитис 2007 йили икки ҳамкасби Марио Капекки ва сер Мартин Эванс билан биргаликда олган эди.
Изоҳ (0)