Каталониянинг «Барселона» футбол клуби Испания кубоги чорак финалига йўл олгач, енгил тин олди. Унга қадар эса Бильбаодаги мағлубият клуб мухлисларини ташвишлантирган, футболчилар ФИФА маросимига бормаган, Пике ҳаммасини ҳакамлардан кўрганди.
Жамоа ўйинидан мамнунман. Футболчилар яхши ҳужум қилди ва шундай ҳимояланди. Биз ўйинни тўлиқ назорат қилдик, «Атлетик» эса ягона имкониятидан фойдаланиб қолди. Шунга қарамай, ўзимизни йўқотмадик ва бир текис ўйнай олдик.Сўнгги вақтларда рақиблар кўп ҳужум қилмай ҳам гол уриб кетмоқда. Ишонаманки, бунга чора топа оламиз. Бизга узоқ ғалабали серия керак бўлади.
Луис Энрике, «Барселона» бош мураббийи
Лионель Месси «Атлетик»ка қарши биринчи ўйинда ҳам, иккинчисида ҳам жарима зарбасидан муваффақият қозонди. «Sports.ru»нинг қайд этишича, Месси «Барселона»даги фаолияти давомида биринчи бор кетма-кет уч учрашувда жарима зарбасидан гол урган.
Ўйин тақдирини ҳар доимгидек Месси ҳал қилди. Умид қиламанки, у «Барселона» сафида узоқ йиллар қолади. Аҳир ундан зўри йўқ. Гап фақат голларида эмас, майдонни кўра олиш, тўғри қарорни қабул қилиш ҳамда шерикларига ёрдам беришда ҳам у беназир.Статистиклар маълумотига кўра, Каталония клубида Месси 26 бор жарима зарбасини голга айлантирган. Ҳужумчи бу борада Рональд Куманга тенглашиб олди.Луис Энрике, «Барселона» бош мураббийи
Табриклайман, Лео. Янги рекордга фақатгина 1 та гол қолди.Рональд Куман, «Эвертон» бош мураббийи
«Атлетик»ка қарши ўйиндаги биринчи гол муаллифи Луис Суаресни табриклаш мумкин. Уругвайлик ҳужумчи «Барселона» либосини кийганидан буён 100-голини урди. Хулоса қилиб айтганда, Суареснинг «Ливерпуль»дан сотиб олингани ўзини тўла оқлади. Ҳар ҳолда, Анри, Ибраҳимович каби юлдузлар фонида Суареснинг «Барселона»га хизмати қадрлироқ бўлди.
«Sports.ru»нинг аниқлик киритишича, Суарес ФИФАнинг тақдирлаш маросимига ўз хоҳишига кўра бормаган. Чунки у ташкилотдан ҳафа. 29 ёшли футболчи ЖЧ—2014 да Келлинини тишлаб олгани учун ФИФА уни 4 ойга футболдан четлатганини ҳазм қила олмаган.
Бундан ташқари, ФИФА тақдимот учун Суареснинг 5 йил аввал тушган суратини танлаб олган. Бу жуда ҳам эски ва худдики Луиснинг тишларига шама қилингандек таассурот уйғотади.
«Реал Мадрид»
Мадридликлар ўз сафига яна бир топ ҳужумчи қўшиб олишга ҳаракат қилади — аргентиналик Пауло Дибала. Бу йўлда «Қироллик клуби» «Ювентус» ҳисоб рақамига 105 миллион евро ўтказиб беришга тайёр. Қайд этиш керак, «Ювентус» Поль Погбани «Юнайтед»га айнан шунча нархга сотганди.
«Реал» Дибаланинг ўзига йиллик 10 миллион евро маош тайинлашни режалаштирган.
Изоҳ (0)