Yahoo! компанияси Verizon телекоммуникация компаниясига қўшилиши бўйича келишув якунлангач, у ўз номини ўзгартириб, Altaba Inc. деб аталади. Бу ҳақда АҚШ Қимматбаҳо қоғозлар ва биржалар комиссиясига таяниб, «РБК» хабар берди.
Баъзи ОАВлар янги ном фақат холдинг компаниясига тегишли бўлиши, Yahoo! бренди эса сақланиб қолишини тахмин қилмоқда.
Олди-сотди битими тузилгач, компанияни президент ва бош ижрочи директор Марисса Майер, шунингдек, директорлар кенгашининг беш аъзоси, шу жумладан, Yahoo! асосчиларидан бири Дэвид Фило ҳам тарк этади.
Компания бўлажак олди-сотди ҳақида 2016 йил июлида маълум қилган эди. Натижада ойлик аудиторияси 1 миллиард кишидан ошадиган холдинг пайдо бўлиши керак. Verizon Yahoo!’нинг 4,38 миллиард долларлик интернет-активларини сотиб олади.
Изоҳ (0)