Хонанда Шароф Муқимов «Кел-кел» деб номланган қўшиғига клип олиб, унда Ишани обрзаси билан танилган ҳиндистонлик Радҳика Маданни олиб чиқиши ҳақида айтиб ўтганди.
Клип лавҳалари ижтимоий тармоқларда пайдо бўла бошлагач эса унда «Сенга ошиқман» сериалидаги Ишани эмас, балки ўзбекистонлик Жамила Ғофурова кўриниш бергани аниқ бўлди. Журналист Феруз Муҳаммад хонанда билан боғланиб, унга ўз ваъдасини эслатди.
«Клипда Ишанини ўйнатиш режаси бор эди. Бироқ ўша вақтдаги оилавий муаммолар, онамнинг вафоти сабаб руҳий тушкунлик сабаб бу режа ортга сурилиб бораверди. Боз устига ‘Сенга ошиқман’ сериали ўзбек менталитетига тўғри келмайди деган танқидлар пайдо бўлди ва у эфирдан олинди. Шунча харажат қилиб, кейин Радҳика Мадан суратга тушган клипни телеканалларимиз бадиий кенгашидан ўтказа олмасакчи, деган фикр билан бу ишни қилмадик», — деб тушунтириш берган Шароф Муқимов
Маълум бўлишича, Жамила Ғофурова «Кел-кел» эмас, «Сайёра» номли клипда суратга тушган.
«Бу қўшиқ 20 йиллар муқаддам ‘Апрель’ гуруҳи томонидан куйланганди. Мен уни Хусниддин Худоёров билан дуэт тарзида куйладим. Унинг клипида бир неча йиллик дўстим Жамила Ғофурова суратга тушди. ‘Ниқоб’, ‘Армон’, ‘Эгизаклар’ фильмларида бирга рол ўйнаганимиздан кейин, мухлислар Жамила Ғофурова билан навбатдаги чиқишимизни истаётганди. Яқин кунларда клипни уларнинг ҳукмига ҳавола қиламиз», — деб ойдинлик киритди Шароф Муқимов.
Изоҳ (0)