2016 йилда оила қурган ва фарзандларини янги ҳаётга кузатган ўзбекистонлик санъаткорлар

Ўзбекистон шоу-бизнеси учун 2016 йил шов-шувли тўйлари билан ҳам ёдда қоладиган бўлди. Хонанда Шоҳруххон ва актриса Асал Шодиеванинг ва ниҳоят оила қургани, Шоҳрух рэпер ўз ўғлининг онаси Злата билан кутилмаганда тўй маросими ўтказгани ва хонанда Райҳоннинг иккинчи марта турмушга чиқиши — 2016 йил тўйларининг кулминацион нуқталаридир.

Ойхон Ифорзода ва Шоҳ Алимович

22 февраль куни телебошловчилар Ойхон Ифорзода ва Шоҳ Алимович (Нодиршоҳ) оила қурди.

Шоҳрух рэпер

2,5 йил аввал аёли Злата билан ҳам шаърий, ҳам қонуний никоҳдан ўтган Шоҳрух рэпер 12 май куни тўй базмини уюштирди. Жамоатчилик учун берган 13 майдаги баёнотида, хонанда «2,5 йил аввал кичкина байрам қилиб, оила қургани, шароит бўлмагани учун шунча вақт тўй маросими ўтказмагани»ни айтиб ўтди.

Бошловчи Гулҳида Жўраева

«Ёшлар» телеканалида намойиш этиладиган «Ош бўлсин» кўрсатуви бошловчиси Гулҳида Жўраева турмушга чиқди. Никоҳ оқшоми 21 май куни бўлиб ўтди.

Даврон Кабулов

Таниқли бошловчи Даврон Кабулов 23 май куни уйланди. Никоҳ оқшоми Тошкентдаги «Мумтоз» тўйхонасида бўлиб ўтди.

Шоҳруххон ва Асал Шодиева

Йилнинг энг шов-шувли ва энг кўп муҳокама қилинган тўйи! Хонанда Шоҳруххон ва актриса Асал Шодиеванинг никоҳ маросими йилнинг шоу-бизнес йўналишидаги энг шов-шувли воқеаси бўлди. Никоҳ оқшоми 5 июнь куни Тошкентдаги «Осиё Гранд» ресторанида бўлиб ўтди.

«Уммон»чи Шоҳрух

«Уммон» гуруҳи вакили Шоҳрух ва унинг ёри — Азизахоннинг никоҳ оқшоми 15 август куни Тошкентдаги «Яккасарой» ресторанида бўлиб ўтди. Шундай қилиб, «Уммон» аъзоларидан фақат Зоҳид бўйдоқлигича қолди.

Хонанда Карен Гафуржанов

Ўзбек эстрадасининг энг ёши улуғ бўйдоқларидан бири саналган Карен Гафуржанов 20-сентябр куни уйланди. Хонанданинг висол оқшоми «Ўзбекистон» меҳмонхонасида бўлиб ўтди.

Актёр Расулхон Қодирхонов

«Опа-сингиллар» телесериалидаги Икром роли билан танилган актёр Расулхон Қодирхонов 16 октябрь куни уйланди. Аҳамиятли томони, актёрнинг тўйи укаси билан бир кунда бўлиб ўтди.

Хонанда Райҳон

2016 йил ноябри бошида хонанда Райҳон иккинчи марта турмушга чиққани маълум бўлди. Хонанданинг бошловчи Фарҳод Алимов билан никоҳдан ўтиши катта шов-шувларга сабаб бўлди.

Актриса Шаҳзода Матчонова

Актриса Шаҳзода Матчонова 25 ноябрь куни турмушга чиқди. Тўй оқшоми Тошкентдаги «Яккасарой» тўйхонасида бўлиб ўтди. Актриса исми ё Омар, ё Музаффар бўлган йигитга турмушга чиққани хабар қилинди.

Фарзандининг тўйини ўтказган машҳур ота-оналар

Қизиқчи Зокир Очилдиев қизини турмушга берди

«Ҳандалак» гуруҳи қизиқчиси Зокир Очилдиев 30 март куни қизини турмушга берди. Тўй маросими Тошкентдаги «Эзидёр» ресторанида бўлиб ўтган. Қизиқчи ўз дўсти билан қуда бўлган.

Қизиқчи Мирзабек Холмедов қизини турмушга берди

Октябр ойида Ўзбекистонда хизмат кўрсатган артист Мирзабек Холмедов қизи Дурдонани узатди.

Сухандон Абдумўмин Ўтбосаровнинг ўғли Жамшид уйланди

Марҳум сухандон Абдумўмин Ўтбосаровнинг ўғли Жамшид уйланди. Бу ҳақда 13 ноябрь куни Абдумўмин Ўтбосаровнинг яқин дўсти, таниқли сухандон Муслимбек Йўлдошев маълум қилди.

Хонанда Оғабек Собиров тўнғич қизини узатди

Ўзбекистонда хизмат кўрсатган артист Оғабек Собиров тўнғич қизи Гулруҳхонни турмушга берди. Тўй маросими 9 ноябрь куни Хоразм вилоятида бўлиб ўтди.

Ҳосила Раҳимова иккинчи қизи Иқболхонни турмушга берди

Декабрь ойида Ўзбекистонда хизмат кўрсатган артист Ҳосила Раҳимова иккинчи қизи Иқболхонни турмушга берди. Никоҳ оқшоми «Мумтоз» ресторанида бўлиб ўтди. Тўйдан бироз аввал хонанда қизининг унаштирувига бағишлаб, Сурхондарёда кўпкари уюштирган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.