2016 йилда фарзандли ва неварали бўлган ўзбек шоу-бизнеси вакиллари

2016 йилда фарзандли ва неварали бўлган ўзбекистонлик машҳур санъаткорлар орасида биринчи марта оталик бахтига эришганлар, олтинчи марта бобо бўлганлар, фарзанди Ҳазил кунида туғилган ва фарзандининг таваллуд куни онасинининг туғилган кунига тўғри келиб қолганлар ҳам бор.

Хонанда Жўрабек

Хонанда ва актёр Жўрабек 1 апрель куни ўғил фарзандли бўлди.

Хонанда Севара Назархон

Севара Назархон 27 апрель куни қиз фарзандли бўлди. У ўз қизига Иман Анвар деб исм қўйди. Бу хонанданинг иккинчи фарзанди бўлиб, унинг Дениз исмли ўғли ҳам бор.

Актриса Райҳон Уласенова

Бу йил Райҳон Уласенова қиз фарзандли бўлди. Актрисанинг қизи 26 июнь куни дунёга келди. Бунгача у бир ўғил ва бир қизнинг севимли онаси эди.

Гулчеҳра Эшонқулова ва Шароф Шарапов

Актриса Гулчеҳра Эшонқулова (Гули Шарапова) ва Шароф Шарапов 15 июль куни ўғил фарзандли бўлди. Уларнинг фарзанди Туркиянинг Истанбул шаҳрида дунёга келди.

Актёр Улуғбек Қодиров

Актёр Улуғбек Қодировнинг ҳаётида 21 июль қўшалоқ қувонлчи кун сифатида нишонланадиган бўлди. Сабаби — бу кунда актёрнинг онаси таваллуд топган, 2016 йили эса ўғли ҳам шу кунда дунёга келди.

Режиссёр Акбар Бектурдиев

Режиссёр Акбар Бектурдиев 22 июль куни қиз фарзандли бўлди. Режиссёр қизига Сабрия деб исм қўйди. Режиссёрнинг тўнғич қизи Солиҳа уч ёшда.

Хонанда Сардор Мамадалиев

Сардор Мамадалиев 9 август куни ўғил фарзандли бўлди. Хонанда тўнғич фарзандига Темурбек деб исм қўйди.

Хонанда Рухшона

Режиссёр ва клипмейкр Санжар Маткаримовнинг турмуш ўртоғи ҳисобланган хонанда Рухшона 20 август куни иккинчи бор оналик бахтига муяссар бўлди. Қизи Ҳабибахондан кейин туғилган фарзандига жуфтлик Шукрбек деб исм қўйди.

Ойбек ва Нигора

2015 йилнинг энг шов-шувли тўйи сабабчилари ҳисобланган Ойбек ва Нигора 2016 йилнинг 27 август куни ота-она бўлди — улар ўғил фарзандига Имрон деб исм қўйди.

Хонанда Умар Шамсиев

Хонанда Умар Шамсиев 5 октябрь куни қиз фарзандли бўлганини маълум қилди. Бу унинг учинчи фарзанди — хонанда 2008 йили оила қурган бўлиб, унинг 6 ёшли Усмонжон ва 3 ёшли Имроншоҳ исмли ўғил фарзандлари ҳам бор.

Актёр Акбархўжа Расулов

2015 йилнинг 12 октябрь куни оила қурган актёр Акбархўжа Расулов 14 июль куни қиз фарзандли бўлди. Улар ўз фарзандига Хумайра деб исм қўйди.

Хонанда Анвар Собиров

16 ноябрь куни хонанда Собиров қиз фарзандли бўлди. Хонанда ўз қизига Асал деб исм берди.

«VIA Sharq» хонандалари Сарвар ва Татьяна

27 ноябрь куни «VIA Sharq» дуэти Сарвар ва Татьяна ота-оналик бахтига муяссар бўлди.

Қизиқчи Обид Асомов

2016 йилнинг, катта эҳтимол билан, ноябрь ойида Обид Асомов қизи Наргиз икки ўғилдан сўнг қиз фарзанд кўрганини маълум қилди. Бу — Обид Асомовнинг олтинчи набирасидир.

Шоҳрух рэпер

Аёли ҳомиладор экани муддатидан аввалги Ўзбекистон Президенти сайлови куни маълум бўлган Шоҳрух рэпер 2017 йил арафасида қиз фарзандли бўлди — бу ҳақда 16 декабрь куни маълум қилинди. Бу унинг иккинчи фарзанди — хонанданинг Ислом исмли икки ярим яшар ўғли ҳам бор.

Хонанда Улуғбек Раҳматуллаев

30 декабрь куни Улуғбек Раҳматуллаев ўғил фарзандли бўлди. 5 ёшли Файзуллоҳ ва 3 ёшли Фарзона исмли фарзандлари бор хонанда учинчи бор оталик бахтига мушарраф бўлди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.