Ўзбекистондаги энг оммабоп интернет-нашрда ишлашни хоҳлайсизми? Дунё ва Ўзбекистондаги сўнгги янгиликларни ўз тенгқурларингизга мунтазам етказишни-чи?
Бизга кучли муҳаррирлар керак!
Вазифаларингиз:
- «Дарё» журналистлари тайёрлаган хабарларни чоп этилишидан аввал текшириш (мусаҳҳиҳ сифатида), таҳрир қилиш (муҳаррир сифатида);
- «Дарё» журналистлари тайёрлаган таржима хабарларидаги фактларни чоп этилишидан аввал манба билан қиёслаб текшириш;
- «Дарё» интернет-нашри учун хабар ва муаллифлик мақолалари ёзиш;
- Чет эл интернет-нашрлари ва ахборот агентликлари хабарларини таржима қилиш;
- Facebook, Twitter, «Одноклассники» ва «Мулоқот»даги «Дарё» гуруҳларини ўзбек тилида юритиш;
- ва интернет-журналистикага боғлиқ бошқа вазифалар.
Бизда:
- Ойлик: келишув асосида;
- Янги, замонавий компьютер;
- Ёш, қизиқарли, хушчақчақ жамоа;
- Бепул, мазали тушлик (бай-бай-бай);
- Офисимиз шаҳарнинг қоқ марказида («Дархон» бизнес-марказида);
- Расмий меҳнат шартномаси.
Сизга қўйиладиган талаблар:
- Ўзбек ва рус тилларини мукаммал билиш (инглиз тилини ҳам билиш — нур устига аъло нур);
- Лотин графикасига асосланган ўзбек ёзувини мукаммал билиш;
- Ёшингиз: 20 дан 30 гача;
- Олий маълумот (университетни битирган бўлишингиз керак);
- Компьютерда бемалол ишлаш;
- Тошкент шаҳри ёки Тошкент вилояти пропискаси (вақтинча прописка ҳам бўлиши мумкин).
Қизиқдингизми? У ҳолда:
Қуйидаги мақолаларни таржима қилиб, «Дарё» стилистикасига мослаб, бизга юборинг:- https://meduza.io/news/2016/12/22/vlasti-kalifornii-zastavili-uber-ubrat-bespilotnye-avtomobili-s-ulits-proekt-prodlilsya-nedelyu
- https://meduza.io/news/2016/12/21/pri-pozhare-v-tatarstane-pogibli-zhivotnye-iz-zooparka
«Дарё» стилистикаси нима?
- Қисқа ва лўнда (160—200 сўз);
- Кириш сўз ва хотима;
- 20—30 ёшли аудитория учун қизиқ бўлган мавзу;
- Рақамларга эътибор;
- Ўзига жалб қилувчи сарлавҳа;
- Энига камида 900 пикселли фотосурат.
Юқоридаги талабларни бажарган ҳолда, таржималарингизни Microsoft Word форматида, резюменгиз билан бирга rezyume@simple.uz электрон манзилига юборинг. Таржимасиз хатлар қабул қилинмайди ва уларга жавоб берилмайди.
Таъкидлаш жоиз, талабларга жавоб бермаган таржималар кўриб чиқилмайди.
«Дарё» нашри ҳақида
«Дарё» интернет-нашри Simple Networking Solutions МЧЖга тегишлидир. Компания 2011 йилда ташкил топган бўлиб, ҳозирда «Мулоқот» ижтимоий тармоғи, «Дарё» интернет-нашри ва бошқа сайтларни юритади.«Дарё» нашрига бир ойда 1,5 миллионга яқин киши ташриф буюради. «Дарё» Ўзбекистондаги энг оммабоп онлайн-ОАВ бўлиб, 2014 йил ўтказилган Миллий UZ домени интернет фестивалида ушбу кўрсаткич алоҳида эътироф этилган.
Изоҳ (0)