Туриннинг «Ювентус» клуби футбол бўйича Италия А сериясининг ўз майдонида кечган кетма-кет 25-учрашувида зафар қучиб, ўзининг рекордини такрорлади. Бу ҳақда «Футбол Кулички» нашри хабар берди.
«Ювентус» 2013/14 йилги мавсумда ҳам шундай юришни амалга оширганди. Клуб ўз майдонидаги навбатдаги учрашувни 8 январь куни «Болонья»га қарши ўтказади. Бу эса такрорланган рекордни янгилаш учун ас қотиши мумкин.
Массимилиано Аллегри бошчилик қилаётган жамоа кетма-кет олтинчи бор мамлакат чемпиони бўлиш йўлида ҳаракат қилмоқда. А сериянинг 17-турига келиб клуб бу йўлдаги энг асосий рақобатчи — «Рома»га қарши майдонга тушди ва 1:0 ҳисобида зафар қучди.
Беллашувдаги ягона гол «Юве»нинг 90 миллион евролик хариди Гонсало Игуаин томонидан урилди. Аргентиналик ҳужумчи бир тур аввал бўлиб ўтган Турин дербисида ҳам жамоасига ғалаба келтирган голларга муаллифлик қилганди. Жорий мавсум ҳисобидан Гонсалонинг голлари «Ювентус» учун 11 соф очкони олиб келди. Назарий жиҳатдан олиб қараганда бу очколарсиз «Ювентус» 5-ўринда бориши мумкин эди.
Бир тур аввал «Рома»дан енгилган «Милан» мазкур турда «Аталанта»ни қабул қилиб, 2 очко йўқотди. 17-турнинг қолган етти учрашуви якшанба оқшомида бўлиб ўтади.
Италия А серияси 17-тур беллашувлари 17 декабрь, шанба
«Эмполи» — «Кальяри» 2:0
Голлар: Леван Мчедлидзе, 8 (1:0). Леван Мчедлидзе, 72 (2:0).Ноаниқ пенальти: Жоао Педро, 81 (К).«Милан» — «Аталанта» 0:0
«Ювентус» — «Рома» 1:0
Гол: Гонсало Игуаин, 14 (1:0).18 декабрь, якшанба«Сассуоло» — «Интер»«Кьево» — «Сампдория»«Наполи» — «Торино»«Пескара» — «Болонья»«Удинезе» — «Кротоне»«Женоа» — «Палермо»«Лацио» — «Фиорентина»
Изоҳ (0)