Бундеслига. Марко Ройс четлатилган ўйинда «Боруссия Дортмунд» очко йўқотди, «Хоффенхайм» мағлубиятсиз юришида давом этди

Футбол бўйича Германия Бундеслигасининг 15-тур беллашувлари «Хоффенхайм» — Боруссия Дортмунд» ўйини билан старт олди.

Ортда қолган турлар давомида Юлиан Нагельсманн устозлик қилаётган «Хоффенхайм» бирорта ҳам мағлубиятга учрамаган Бундеслиганинг ягона жамоаси бўлиб турганди. Европанинг кучли бешлик миллий чемпионатлари таснифида олиб қараганда «Хоффенхайм» мавсум бошидан буён мағлуб бўлмай келаётган Мадриднинг «Реал» клубидан кейинги иккинчи жамоа ҳисобланади.

15-турда ҳам бу ҳолат давом этди. «Хоффенхайм» икки бор ҳисобда олдинга чиқиб олганига қарамай, якунда ғалабани ушлаб қола олмади. Беллашувда Марко Ройснинг биринчи бўлимдаёқ майдондан четлатилиши ҳам «Хоффенхайм»га ёрдам бера олмади.

Қўлга киритилган 1 очко клубни 3-ўринга олиб чиқди. Эҳтимолий ғалаба Дортмунд «Боруссия»сини мана шу поғонага олиб чиқиши мумкин эди.

Турнинг қолган беллашувлари шанба ва якшанба кунлари бўлиб ўтади. Турнир жадвалида дастлабки икки ўринда бораётган «Бавария» ва «Лейпциг» клублари навбатдаги — 16-турда ўзаро тўқнаш келади.

Германия Бундеслигаси 15-тур беллашувлари 16 декабрь, жума

«Хоффенхайм» — «Боруссия Дортмунд» 2:2

17 декабрь, шанба«Аугсбург» — «Боруссия Мёнхенгладбах»«Вердер» — «Кёльн»«Майнц» — «Гамбург»«Лейпциг» — «Герта»«Шальке» — «Фрайбург»«Вольфсбург» — «Айнтрахт»

18 декабрь, якшанба«Дармштадт» — «Бавария»«Байер» — «Инголштадт»