Bundesliga. Marko Roys chetlatilgan o‘yinda “Borussiya Dortmund” ochko yo‘qotdi, “Xoffenxaym” mag‘lubiyatsiz yurishida davom etdi

Futbol bo‘yicha Germaniya Bundesligasining 15-tur bellashuvlari “Xoffenxaym” — Borussiya Dortmund” o‘yini bilan start oldi.

Ortda qolgan turlar davomida Yulian Nagelsmann ustozlik qilayotgan “Xoffenxaym” birorta ham mag‘lubiyatga uchramagan Bundesliganing yagona jamoasi bo‘lib turgandi. Yevropaning kuchli beshlik milliy chempionatlari tasnifida olib qaraganda “Xoffenxaym” mavsum boshidan buyon mag‘lub bo‘lmay kelayotgan Madridning “Real” klubidan keyingi ikkinchi jamoa hisoblanadi.

15-turda ham bu holat davom etdi. “Xoffenxaym” ikki bor hisobda oldinga chiqib olganiga qaramay, yakunda g‘alabani ushlab qola olmadi. Bellashuvda Marko Roysning birinchi bo‘limdayoq maydondan chetlatilishi ham “Xoffenxaym”ga yordam bera olmadi.

Qo‘lga kiritilgan 1 ochko klubni 3-o‘ringa olib chiqdi. Ehtimoliy g‘alaba Dortmund “Borussiya”sini mana shu pog‘onaga olib chiqishi mumkin edi.

Turning qolgan bellashuvlari shanba va yakshanba kunlari bo‘lib o‘tadi. Turnir jadvalida dastlabki ikki o‘rinda borayotgan “Bavariya” va “Leyptsig” klublari navbatdagi — 16-turda o‘zaro to‘qnash keladi.

Germaniya Bundesligasi 15-tur bellashuvlari 16-dekabr, juma

“Xoffenxaym” — “Borussiya Dortmund” 2:2

17-dekabr, shanba“Augsburg” — “Borussiya Myonxengladbax”“Verder” — “Kyoln”“Maynts” — “Gamburg”“Leyptsig” — “Gerta”“Shalke” — “Frayburg”“Volfsburg” — “Ayntraxt”

18-dekabr, yakshanba“Darmshtadt” — “Bavariya”“Bayer” — “Ingolshtadt”