Тошкентнинг Чилонзор тумани 6-кварталида жамоат учун мўлжалланган тренажёр мажмуасига эга болалар майдончаси қурилди ва фойдаланишга топширилди. Бу ҳақда «Дарё» мухбири маълумот берди.
Лойиҳа ушбу тумандаги Green City номли янги турар-жой мажмуаси қурувчилари ташаббусига кўра амалга оширилди. Мажмуа ёшлар ва катта авлодга мўлжалланган. Тренажёрлар барча ёшдаги одамлар фойдаланиши учун қулай қилиб жиҳозланди.
Лойиҳа ташаббускори Мурод Назаров янги мажмуа қурилишида компания нафақат мажмуада, балки яқин атрофдаги уйларда турувчи аҳоли ҳақида ҳам қайғуришга қарор қилганини айтиб ўтди. Уй олдидаги майдонда болаларга мўлжалланган майдонча қурилиб, унда кичик арғимчоқлар ҳамда учта тренажёр билан таъминланди.
Майдонча энди очилганига қарамай, болалар у ерда ўйнашни бошлаб юборди.
Изоҳ (0)