Toshkentning Chilonzor tumani 6-kvartalida jamoat uchun mo‘ljallangan trenajyor majmuasiga ega bolalar maydonchasi qurildi va foydalanishga topshirildi. Bu haqda “Daryo” muxbiri ma’lumot berdi.
Loyiha ushbu tumandagi Green City nomli yangi turar-joy majmuasi quruvchilari tashabbusiga ko‘ra amalga oshirildi. Majmua yoshlar va katta avlodga mo‘ljallangan. Trenajyorlar barcha yoshdagi odamlar foydalanishi uchun qulay qilib jihozlandi.
Loyiha tashabbuskori Murod Nazarov yangi majmua qurilishida kompaniya nafaqat majmuada, balki yaqin atrofdagi uylarda turuvchi aholi haqida ham qayg‘urishga qaror qilganini aytib o‘tdi. Uy oldidagi maydonda bolalarga mo‘ljallangan maydoncha qurilib, unda kichik arg‘imchoqlar hamda uchta trenajyor bilan ta’minlandi.
Maydoncha endi ochilganiga qaramay, bolalar u yerda o‘ynashni boshlab yubordi.
Izoh (0)