12 декабрга ўтар кечаси «Реал» ҳужумчиси Криштиану Роналду France Football нашри томонидан йилнинг энг яхши футболчисига бериладиган «Олтин тўп» соҳибига айланди. 2016 йилнинг энг яхши футболчиси деб топилган португалиялик футболчи фаолиятида тўртинчи марта ушбу мукофотга лойиқ кўрилди.
France Football нашри томонидан 1956 йилда таъсис этилган «Олтин тўп» мукофоти 2009 йилга қадар Европанинг энг яхши футболчисига топширилар эди. 1988 йилда Халқаро футбол федерацияси – ФИФА «Йил футболчиси» мукофотини жорий этди. Унда жамоаларнинг бош мураббийлари, сардорлари ва матбуот котиблари ўртасида ўтказилган сўровнома асосида, ҳар йили жаҳоннинг энг яхши футболчисини аниқларди.
2005 йилги мавсумдан бошлаб, футбол оламидаги энг нуфузли ҳисобланган ҳар иккала мукофотни бир футболчи қўлга киритавергани сабаб, 2010 йилдан ФИФА ва France Football 5 йиллик шартнома имзолаб, энг яхшиларни аниқлаш йўналишидаги ҳаракатларни бирлаштиришга ва ҳар йили жаҳоннинг энг яхши футболчисига «Олтин тўп» мукофотини топширишга қарор қилди.
France Football ва ФИФА ўртасидаги шартнома якунига етгач, томонлар ҳамкорликни давом эттириш борасида келишувга эриша олмади ва 2016 йилдан эътиборан журнал ва ташкилот алоҳида мукофот берадиган бўлди.
Қуйида 2000 йилдан бошлаб ФИФА ва France Football мукофотларини, шунингдек, бирлашган мукофотни қўлга киритган барча футболчиларни бирма-бир ёдга олиш мумкин.
2000 йил. Зинедин Зидан — жаҳоннинг энг яхши футболчиси, Луиш Фигу — Европанинг энг яхши футболчиси («Олтин тўп» соҳиби)
2001 йил. Луиш Фигу — жаҳоннинг энг яхши футболчиси, Майкл Оуэн — Европанинг энг яхши футболчиси
2002 йил. Луис Роналдо — жаҳоннинг энг яхши футболчиси, Европанинг энг яхши футболчиси
2003 йил. Зинедин Зидан — жаҳоннинг энг яхши футболчиси, Павел Недвед — Европанинг энг яхши футболчиси
2004 йил. Роналдинё — жаҳоннинг энг яхши футболчиси, Андрей Шевченко — Европанинг энг яхши футболчиси
2005 йил. Роналдинё — жаҳоннинг энг яхши футболчиси, Европанинг энг яхши футболчиси
2006 йил. Фабио Каннаваро — жаҳоннинг энг яхши футболчиси, Европанинг энг яхши футболчиси
2007 йил. Кака — жаҳоннинг энг яхши футболчиси, Европанинг энг яхши футболчиси
2008 йил. Криштиану Роналду — жаҳоннинг энг яхши футболчиси, Европанинг энг яхши футболчиси
2009 йил. Лионель Месси — жаҳоннинг энг яхши футболчиси, Европанинг энг яхши футболчиси
2010, 2011 ва 2012 йиллар. Лионель Месси — «Олтин тўп» соҳиби
2013, 2014 йиллар. Криштиану Роналду — «Олтин тўп» соҳиби
2015 йил. Лионель Месси — «Олтин тўп» соҳиби
2016 йил. Криштиану Роналду — «Олтин тўп» соҳиби
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)