12-dekabrga o‘tar kechasi “Real” hujumchisi Krishtianu Ronaldu France Football nashri tomonidan yilning eng yaxshi futbolchisiga beriladigan “Oltin to‘p” sohibiga aylandi. 2016-yilning eng yaxshi futbolchisi deb topilgan portugaliyalik futbolchi faoliyatida to‘rtinchi marta ushbu mukofotga loyiq ko‘rildi.
France Football nashri tomonidan 1956-yilda ta’sis etilgan “Oltin to‘p” mukofoti 2009-yilga qadar Yevropaning eng yaxshi futbolchisiga topshirilar edi. 1988-yilda Xalqaro futbol federatsiyasi – FIFA “Yil futbolchisi” mukofotini joriy etdi. Unda jamoalarning bosh murabbiylari, sardorlari va matbuot kotiblari o‘rtasida o‘tkazilgan so‘rovnoma asosida, har yili jahonning eng yaxshi futbolchisini aniqlardi.
2005-yilgi mavsumdan boshlab, futbol olamidagi eng nufuzli hisoblangan har ikkala mukofotni bir futbolchi qo‘lga kiritavergani sabab, 2010-yildan FIFA va France Football 5 yillik shartnoma imzolab, eng yaxshilarni aniqlash yo‘nalishidagi harakatlarni birlashtirishga va har yili jahonning eng yaxshi futbolchisiga “Oltin to‘p” mukofotini topshirishga qaror qildi.
France Football va FIFA o‘rtasidagi shartnoma yakuniga yetgach, tomonlar hamkorlikni davom ettirish borasida kelishuvga erisha olmadi va 2016-yildan e’tiboran jurnal va tashkilot alohida mukofot beradigan bo‘ldi.
Quyida 2000-yildan boshlab FIFA va France Football mukofotlarini, shuningdek, birlashgan mukofotni qo‘lga kiritgan barcha futbolchilarni birma-bir yodga olish mumkin.
2000-yil. Zinedin Zidan — jahonning eng yaxshi futbolchisi, Luish Figu — Yevropaning eng yaxshi futbolchisi (“Oltin to‘p” sohibi)
2001-yil. Luish Figu — jahonning eng yaxshi futbolchisi, Maykl Ouen — Yevropaning eng yaxshi futbolchisi
2002-yil. Luis Ronaldo — jahonning eng yaxshi futbolchisi, Yevropaning eng yaxshi futbolchisi
2003-yil. Zinedin Zidan — jahonning eng yaxshi futbolchisi, Pavel Nedved — Yevropaning eng yaxshi futbolchisi
2004-yil. Ronaldinyo — jahonning eng yaxshi futbolchisi, Andrey Shevchenko — Yevropaning eng yaxshi futbolchisi
2005-yil. Ronaldinyo — jahonning eng yaxshi futbolchisi, Yevropaning eng yaxshi futbolchisi
2006-yil. Fabio Kannavaro — jahonning eng yaxshi futbolchisi, Yevropaning eng yaxshi futbolchisi
2007-yil. Kaka — jahonning eng yaxshi futbolchisi, Yevropaning eng yaxshi futbolchisi
2008-yil. Krishtianu Ronaldu — jahonning eng yaxshi futbolchisi, Yevropaning eng yaxshi futbolchisi
2009-yil. Lionel Messi — jahonning eng yaxshi futbolchisi, Yevropaning eng yaxshi futbolchisi
2010, 2011 va 2012-yillar. Lionel Messi — “Oltin to‘p” sohibi
2013, 2014-yillar. Krishtianu Ronaldu — “Oltin to‘p” sohibi
2015-yil. Lionel Messi — “Oltin to‘p” sohibi
2016-yil. Krishtianu Ronaldu — “Oltin to‘p” sohibi
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)