Футбол бўйича Испания Ла Лигасининг 15-тур беллашувлари 12 декабрь куни бўлиб ўтган «Вильярреал» — «Атлетико» ўйини билан ўз якунига етди.
«Эл Мадригал» стадиони мезбонлик қилган беллашувда «Вильярреал» футболчилари рақибга имконият қолдирмади — 3:0. Мазкур ғалаба «сариқ сувости кемаси»ни турнир жадвалида кучли тўртликка олиб кирди. Мавсум аввалида чемпионлик учун курашиши тахмин қилинган «Атлетико» эса 6-поғонадан жой олган.
Диего Симеоне бошқарувидаги «Атлетико» Ла Лиганинг 12-турида «Реал»га ҳам 0:3 ҳисобида имкониятни бой берганди. «Вильярреал»га қарши мағлубият йириклиги бўйича мавсумдаги иккинчиси бўлди.
Қайд этиш керак, «Атлетико» Европа Чемпионлар Лигасининг гуруҳ босқичида «Бавария»ни ортда қолдириб, 1-ўрин бўлганди. Ла Лига доирасида эса ҳозирга қадар 4 та беллашувни йирик ғалаба билан якунлаганди.Чемпионлар Лигасининг 1/8 финалида «Атлетико» Германиянинг «Байер» клуби билан тўқнаш келади. Европа Лигасида иштирок этаётган «Вильярреал»нинг 1/16 финалдаги рақиби эса Римнинг «Рома» клубидир.Испания Ла Лигаси 15-тур ўйини 12 декабрь, душанба
«Вильярреал» — «Атлетико» 3:0
Голлар: Ману Тригерос, 28 (1:0). Жонатан Дос Сантос, 38 (2:0). Роберто Сориано, 90+3 (3:0).
Изоҳ (0)