Futbol bo‘yicha Ispaniya La Ligasining 15-tur bellashuvlari 12-dekabr kuni bo‘lib o‘tgan “Vilyarreal” — “Atletiko” o‘yini bilan o‘z yakuniga yetdi.
“El Madrigal” stadioni mezbonlik qilgan bellashuvda “Vilyarreal” futbolchilari raqibga imkoniyat qoldirmadi — 3:0. Mazkur g‘alaba “sariq suvosti kemasi”ni turnir jadvalida kuchli to‘rtlikka olib kirdi. Mavsum avvalida chempionlik uchun kurashishi taxmin qilingan “Atletiko” esa 6-pog‘onadan joy olgan.
Diyego Simeone boshqaruvidagi “Atletiko” La Liganing 12-turida “Real”ga ham 0:3 hisobida imkoniyatni boy bergandi. “Vilyarreal”ga qarshi mag‘lubiyat yirikligi bo‘yicha mavsumdagi ikkinchisi bo‘ldi.
Qayd etish kerak, “Atletiko” Yevropa Chempionlar Ligasining guruh bosqichida “Bavariya”ni ortda qoldirib, 1-o‘rin bo‘lgandi. La Liga doirasida esa hozirga qadar 4 ta bellashuvni yirik g‘alaba bilan yakunlagandi.Chempionlar Ligasining 1/8 finalida “Atletiko” Germaniyaning “Bayer” klubi bilan to‘qnash keladi. Yevropa Ligasida ishtirok etayotgan “Vilyarreal”ning 1/16 finaldagi raqibi esa Rimning “Roma” klubidir.Ispaniya La Ligasi 15-tur o‘yini 12-dekabr, dushanba
“Vilyarreal” — “Atletiko” 3:0
Gollar: Manu Trigeros, 28 (1:0). Jonatan Dos Santos, 38 (2:0). Roberto Soriano, 90+3 (3:0).
Izoh (0)