Futbol bo‘yicha Ispaniya La Ligasining 15-turidan joy olgan yana 4 ta bellashuv bo‘lib o‘tdi. Madridning “Real” va Kataloniyaning “Barselona” klublari mazkur tur uchrashuvini bir kun avval o‘tkazgandi.
Sovrinli o‘rinlar uchun kurash olib borayotgan “Sevilya” Vigoda “Selta” mehmoni bo‘ldi. Hafta avvalida “Sevilya” Chempionlar Ligasi guruh bosqichini, hafta o‘rtasida esa “Selta” Yevropa Ligasi guruh bosqichini muvaffaqiyatli bosib o‘tgandi.Tomonlarning o‘zaro o‘yinida mehmonlar yirik g‘alabaga erishdi. Bosh murabbiy Xorxe Sampaoli ikkinchi bo‘lim boshida Iborrani maydonga tushirdi. Bu uchrashuvning borishini o‘zgartirib, futbolchi xet-trik qayd eta oldi.
Mazkur g‘alabasidan keyin Andalusiya klubi 3-o‘ringa ko‘tarilib oldi. Ayni paytda “Sevilya”ni “Barselona” bilan 1 ochko ajratib turibdi.
15-turning markaziy o‘yini bugun — 12-dekabr kuni bo‘lib o‘tadi va unda “Vilyarreal” o‘z maydonida “Atletiko”ni qabul qiladi.
Ispaniya La Ligasi 15-tur bellashuvlari 11-dekabr, yakshanba
“Eybar” — “Alaves” 0:0
“Selta” — “Sevilya” 0:3
Gollar: Iborra, 51 (0:1). Iborra, 84 (0:2). Iborra, 90+2-pen (0:3).“Espanyol” — “Sporting” 2:1
Gollar: Felipe Kaysedo, 54 (1:0). Leo Baptistao, 90 (2:0). Duye Chop, 92 (2:1).“Betis” — “Atletik” 1:0
Gol: Ruben Kastro, 18 (1:0).12-dekabr, dushanba“Vilyarreal” — “Atletiko”