Россия парашютсозлик илмий-тадқиқот институти 2023 йилга келиб янги «Федерация» коинот кемаси туширилувчи қурилмаси учун парашют тизими яратишни якунига етказади. Бу ҳақда корхона бош директори Дмитрий Третьяков маълум қилди, дея хабар беради «ТАСС».
«Роскосмос буюртмасига асосан ‘Энергия’ ракета-коинот корпорацияси катта ҳажмдаги ишларни амалга оширадиган кемани ишлаб чиқмоқда. Улар учун ўтган йили лойиҳа тайёрлаб бердик, бу йил эса шартнома имзоланади — 2023 йилгача ўзимизнинг йўналишдаги ишлар кўзда тутилган», — дея таъкидлади бош директор.
Третьяковга кўра, «Федерация» кемаси учун турли босқичларига мўлжалланган 40 та тажриба парашют тизими тайёрлаб берилиши режалаштирилмоқда.
Маълумот учун, «Федерация» кемасининг учувчисиз илк парвози 2021 йил, бошқариладиган парвози эса 2023 йилга мўлжалланган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.