UZMOBILE мобил алоқа миллий операторини яратиш лойиҳаси доирасида 2016 йилда, ҳам тижорат, ҳам техник жиҳатдан кўпгина натижаларга этишилди. UZMOBILE сайтида деярли ҳар куни тармоқни кенгайтириш, янги хизматлар киритилаётгани ва мамлакат бўйлаб ноёб технологиялар жорий қилингани ҳақида янгиликлар эълон қилинмоқда.
UZMOBILE — мамлакатимизнинг жадал ривожланаётган Миллий мобил алоқа оператори бўлиб, унга мобил алоқа бозорида миллий компаниянинг кенг иштирок этиши ҳамда мамлакатнинг мобил алоқа тармоқларини янада ривожлантириш ва шу соҳада ахборот хавфсизлигини таъминлаш вазифалари юклатилган. Ўзбекистон Президентининг «Мобил алоқа миллий оператори фаолиятини ташкил этиш чора-тадбирлари тўғрисида»ги қарорининг ижросини таъминлаш бўйича ташкил этилган UZMOBILE ҳам CDMA, ҳам GSM стандартлари бўйича сифатли мобил алоқани ишончли етказиб берувчи сифатида олдинга қўйилган вазифалар доирасида ўз фаолиятини давом эттирмоқда.
Мустақиллик йилларида давлатимиз томонидан яратилган шарт-шароитлар туфайли мамалакатизмда ташкилотларни модернизациялаш, техник ва технологик янгилаш бўйича катта ҳажмли лойиҳаларни жорий этиш ишлари босқичма-босқич амалга оширилоқда.
UZMOBILE GSM тармоғини қуриш ва кенгайтириш ишлари тўлаҳажмли олиб борилмоқда. Ривожланиш бутун Ўзбекистон ҳудуди бўйлаб босқичма-босқич, 2G/3G ва 4G технологияларини жорий этган ҳолда амалга оширилмоқда. Эслатиб ўтамиз, UZMOBILE GSM тармоғида ўз фаолиятини бошлаганига узоқ вақт бўлгани йўқ, 2015 йилнинг 15 апрелида Тошкент шаҳри ва Тошкент вилоятида тармоқни ишга туширди. Аммо, яқинда ўтказилган мустақил тест ва ўлчовларга асосан, бугунги кунда, UZMOBILE GSM тармоғи алоқаси пойтахтда энг яхши деб топилди. UZMOBILE мобил алоқа миллий оператори Тошкент шаҳрида ўз абонентларига овоз хизматлари ва маълумот узатиш хизматларини тақдим этувчи энг яхши оператор унвонига сазовор бўлди.
Шуни ҳам эслатиб ўтиш муҳимки, 2016 йил мобайнида Ўзбекистон мобил алоқа миллий оператори GSM тармоғини нафақат вилоят, балки туман марказларида ишга тушириш ишларини бошлаб юрборди. Шундай қилиб, Ўзбекистоннинг барча вилоятлари бўйлаб GSM тармоғини қуриш ва кенгайтириш ишлари кенг кўламли олиб борилмоқда.
Ривожланишнинг бу босқичида оператор тармоқни кенгайтириш ва қамровини яхшилаш бўйича барча чора-тадбирларни амалга оширмоқда, Ўзбекистоннинг олис ҳудудлари бундан мустасно эмас. Охирги ярим йил ичида 2G/3G/4G LTE технологияларни қўллаб-қувватловчи 1200 замонавий база станциялари ўрнатилди. Тошкент, Наманган, Сирдарё, Қашқадарё вилоят ва деярли барча туман марказларида GSM тармоғи база станциялари ўрнатилган бўлиб, Бухоро, Самарқанд, Фарғона, Хоразм ва мамлакатимиз бошқа вилоятларида тармоқни кенгайтириш ва қўшимча яхшилаш ишлари амалга оширилмоқда.
2016 йилнинг биринчи ярим йиллиги UZMOBILE учун эришилган натижалар билан муҳимдир. UZMOBILE GSM стандарти халқаро мобил алоқаси операторлар ташкилоти — GSM Ассоциациясининг тўла ҳуқуқли аъзоси бўлиб, миллий оператор томонидан дунё давлатлари билан халқаро роуминг хизматини фаол жорий этиш ва халқаро хизматлар кўламини ошириш бўйича ишлар олиб борилмоқда.
UZMOBILE мобил алоқа миллий оператори «Ўзбекэнерго» АСКУЭ тизимига уланган М2М сектори объектлари учун оптимал ечим бўлиши мумкин бўлган махсус «М2М» тариф режаси ишга тушганини эълон қилди. Хизматлар сифатини ошириш мақсадида UZMOBILE суҳбат нутқини жуда сифатли узатиш — HD Воиcе технологиясини фойдаланишга киритди.
Жорий йилнинг иккинчи ярим йиллигида Бразилиянинг Рио-де-Жанейро шаҳрида ўтказилган Ёзги Олимпия ўйинлари арафасида, Ўзбекистон Олимпия ҳаракатини ривожлантириш ва оммалаштириш мақсадида, UZMOBILE мобил алоқа миллий оператори ва Ўзбекистон Миллий Олимпия Қўмитаси томонидан ўзаро ҳамкорлик ҳақида Келишув имзоланди. Замонавий технологиялардан фойдаланган ҳолда, UZMOBILE катта биноларда алоқа сифатини яхшилашга қаратилган режасини амалга оширишда давом этмоқда. Кўрсатилаётган хизматлар сифатини яхшилаш мақсадида, оператор томонидан катта майдонга эга бўлган (сотув марказлари, кўргазма ва бизнес марказлари, офис бинолари ва ҳоказо) биноларда радио узатишни қисмли тақсимловчи база станциялари ускуналари (Lamp Site) ўрнатилмоқда.
Яна бир бор шуни таъкидлаб ўтиш зарурки, тармоқни қуриш ва янги технологиялар жорий этиш самарадорлигини оширишда давлат хокимиятининг қўллаб-қувватлаши муҳим аҳамиятга эга. Мустақиллигимиз туфайли амалга оширилаётган ишлар аҳолининг турмуш даражасини оширишга қаратилган.
Бугунги кунда UZMOBILE Ўзбекистонда айнан ўхшаши бўлмаган замонавий технологиялардан фойдаланган ҳолда, илғор, янги ва техник мукаммал тармоқ қуриб, ўз абонентларига тармоқ қамрови доирасида сифатли ва қулай алоқани тақдим этмоқда. Ҳозирда UZMOBILE тармоқни кенгайтириш ишларини нафақат вилоят, балки туман марказларида амалга оширмоқда.
Ўзбекистон Конституциясиниг 24 йиллиги арафасида, йил натижаларига назар солиб, UZMOBILE ўз абонентларига турли хил тариф режалари, қулай ва тезкор мобил интернет таклиф этиб, аҳолига, корпоратив мижозларга ва давлат ташкилотларига мамнунлик билан хизмат кўрсатиб келмоқда дея ишонч билан таъкидлаш мумкин.
Ривожланиш давом этмоқда. Бизнинг мақсад — чексиз мулоқот!
Реклама ҳуқуқи асосида. Хизматлар лицензияга эга
Изоҳ (0)