Афғонистон Ислом Республикаси президенти Муҳаммад Ашраф Ғани Шавкат Мирзиёевни Ўзбекистон президенти этиб сайлангани муносабати билан табрик йўллади. Бу ҳақда ЎзА хабар бермоқда.
Афғонистон раҳбарига кўра, ушбу масъулиятли лавозимга сайлангани Ўзбекистон халқи Шавкат Мирзиёевга ва унинг мамлакатни ривожлантириш дастурига ишончидан далолат беради.
«Муштарак маданий ва диний қадриятларга эга бўлган Афғонистон ва Ўзбекистон халқлари мавжуд умумий таҳдидларга қарамасдан, ўзаро дўстлик ва биродарлик алоқаларини сақлаб, бир-бирларини ҳимоя қилиб келмоқда.
Мен мамлакатларимиз ўртасидаги ҳамкорлик алоқаларининг ҳозирги кундаги ривожидан бағоят хурсандман ва ушбу муносабатларнинг тўғридан-тўғри мулоқотлар орқали ҳамда минтақавий ва халқаро ташкилотлар доирасида янада мустаҳкамланиши тарафдориман», — дейилади табрикда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)