Ўзбек палови ЮНЕСКОнинг инсоният номоддий маданий мероси рўйхатига киритилди. Мазкур қарор 1 декабрь куни Номоддий маданий меросларни қўриқлаш бўйича ҳукуматлараро қўмитанинг Эфиопиядаги мажлисида қабул қилинди. Бу ҳақда халқаро ташкилот матбуот хизмати маълум қилди, деб ёзади «Газета.uz».
«Палов тайёрлаш анъанаси устозлардан шогирдларга ўтиб келиб, оилаларда, тенгдошлар билан мулоқотда ва жамоат муассасаларида сақланиб келинмоқда. Ижтимоий муносабатлар ва бирдамликни мустаҳкамловчи ушбу анъана жамият маданий ўзига хослигининг бир бўлаги ҳисобланади», — дейилади ЮНЕСКО қўмитаси қарорида.
Гуруч, гўшт, зираворлар ва сабзавотлардан тайёрланадиган анъанавий таом кундалик овқатланиш вақти ёки байрамларда, шунингдек, алоҳида ҳолатларда марҳумларни хотирлаш учун дастурхонга тортилади.
Ўзбек паловидан ташқари ЮНЕСКОнинг инсоният номоддий маданий мероси рўйхатига Наврўз байрамини нишонлаш ҳам киритилди
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)