Ўзбекистон сайлов жараёнига ахборот-коммуникация технологияларини жорий қилиш бўйича ишларни олиб бормоқда. Бу ҳақда Ўзбекистон Адлия вазири Музроф Икромов Ўзбекистон Президенти сайловини ёритувчи «Elections.uz–2016» пресс-клубининг очилиш маросимида маълум қилди, деб ёзади пресс-клуб.
«Айни пайтда сайлов жараёнига АКТни жорий этиш бўйича катта иш олиб борилмоқда. Сайловчиларнинг электрон рўйхати яратилади», — деди у.
«Лойиҳанинг молиявий масалалари ва бошқа бир қанча муаммолар ҳал қилинмоқда. 2018 йилга келиб, ҳар бир сайловчига яшаш жойидан қатъи назар, электрон тизим бўйича овоз бериш имкониятини тақдим этишни режалаштирмоқдамиз», — дея қўшимча қилди адлия вазири.
Изоҳ (0)