Колумбияда 29 ноябрга ўтар кечаси бортида 72 йўловчи ҳамда 9 нафар экипаж аъзоси бўлган самолёт ҳалокатга учрагани, унинг ичида футбол бўйича Бразилия А сериясида ҳаракат қилаётган «Шапекоэнсе» клубининг 27 футболчиси бўлгани хабар қилинганди.
«Корреспондент.net» нашрининг хабар қилишича, авиаҳалокатда тирик қолган «Шапекоэнсе» клубининг икки нафар аъзосидан бири – дарвозабон Жексон Фоллманнинг оёғи кесиб ташланди.
Қайд этиш жоиз, 24 ёшли футболчи жамоанинг захира посбони бўлган. «Шапекоэнсе»нинг асосий дарвозабони Данило фожиадан сўнг тирик топилган, аммо кейинроқ шифохонада жон берганди. Клуб ҳимоячиси Алан Рушель ҳам омон қолгани маълум қилинмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)