Ижтимоий тармоқ фойдаланувчилари Беларуснинг «Онега» компанияси томонидан чиқарилган «Твикерс» шоколадига эътибор қаратди. Ишлаб чиқарувчи сайтида битта шоколад батони икки карра лаззатга эга эканлиги ҳақида маълум қилинган.
«ВКонтакте» фойдаланувчилари шоколад номланиши икки машҳур бренд Twix ва Snickers номларининг қўшилишидан ҳосил бўлганлигини таъкидлади.
«‘Онега’да ҳуқуқшунослар йўқми? Ахир бу қонуний эмас», — дейди фойдаланувчилардан бири.
Шоколад номланиши баъзи фойдаланувчиларнинг кулгисини қистатди ва улар Twitter’да «Твикерс»га бағишланган суратларни жойлай бошлади.
Беларуснинг «Marketing.by» онлайн-журнали маълум қилишича, Snickers ва Twix савдо белгилари тегишли бўлган Mars компанияси янги шоколад батони ҳақида аллақачон хабар топган.
«Фикримизча, маҳсулот Mars компаниясининг савдо белгиларидан фойдаланиш ҳуқуқини бузмоқда. Биз ўз номимиз ва интеллектуал мулк ҳуқуқимизни қонуний йўллар билан ҳимоя қиламиз», — деди компаниянинг Қозоғистон, Марказий Осиё, Кавказ, Молдова ва Беларусда корпоратив масалалар бўйича директори Павел Салихов.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.