22 ноябрь, сешанба куни The New York Times нашри журналистлари билан учрашувни бекор қилган АҚШнинг янги сайланган президенти Дональд Трамп, охир-оқибат улар билан учрашишга қарор қилди, деб ёзади «Интерфакс» сиёсатчининг Twitter’ига таяниб.
«The New York Times билан учрашув яна кун тартибида — 12:30 да (Тошкент вақти билан 22:30). Уни сабрсизлик билан кутаман!» — дейилади хабарда.
Аввалроқ Трамп Twitter орқали учрашув бекор қилинганини айтган, чунки, унинг фикрича, нашр ходимлари сўнгги лаҳзада тадбир шартлари ва шаклини ўзгартирган. Аммо шунга қарамай, Трамп кейинроқ учрашув бўлиб ўтиши мумкинлигини маълум қилди.
The New York Times версиясига кўра эса, газета раҳбарияти учрашув шартларини ўзгартирмаган, аксинча, номақбул талаблар Трамп ва унинг атрофидагилардан тушган. «Улар ёзиб олинмайдиган шахсий учрашув ўтказишни сўрашди, биз эса рад этдик», — деди газета вакили.
Изоҳ (0)