Корея Республикаси прокуратураси Samsung компанияси бош қароргоҳида ва Миллий пенсия фондида тинтув ўтказди, деб ёзади «ТАСС». Назорат муассасаси хабарига кўра, ушбу тадбирлар мамлакат президенти Пак Кин Хе атрофидаги коррупция можаросини текширишнинг бир қисмидир.
«Мамлакат етакчиси Миллий пенсия фондига босим ўтказиб, уни ўтган йили Samsung C&T Corp. ва Cheil Industries Inc. компаниялари қўшилишини қўллаб-қувватлашга мажбур қилганлиги ҳақида гумонлар бор. У ушбу компанияларнинг тегишли равишда 11,6 ва 5 фоиз акцияларига эгалик қилган», — дейилади прокуратура хабарида. Бунинг эвазига президент корпорациядан ўзининг энг яқин дугонаси Чхве Сун Силь учун турли имтиёзларни талаб қилган бўлиши мумкин.
Тинтув чоғида компьютер қаттиқ дисклари, мобил телефонлар ва битимга алоқадор ҳужжатлар мусодара қилинди. Samsung гуруҳи Пак Кин Хе атрофидаги коррупция можароси билан боғлиқ тарзда учинчи марта тинтув қилинмоқда.
Изоҳ (0)