Тошкентда 2016 йил 3 ноябрь куни ҳаво ҳарорати +28,5 даражагача кўтарилди, дея хабар бермоқда «Ўзгидромет» маркази. Қайд этиш жоиз, бу шу куни Ўзбекистон ҳудудида қайд этилган энг юқори ҳаво ҳарорати бўлди.
Хабар беришларича, шаҳарнинг 3 ноябрь бўйича тарихида бундан аввалги энг юқори ҳаво ҳарорати 1979 йилда ўрнатилган бўлиб, ўшанда ҳам +28,5 даражани ташкил этган эди.
Ўзбекистоннинг бошқа йирик шаҳарлари ва вилоят марказларида 3 ноябрь куни кундузи ҳаво ҳароратининг энг юқори даражаси қуйидагича бўлди: Нукусда +5 даража, Урганчда +7 даража, Бухорода +13 даража, Навоийда +14 даража, Самарқандда +17 даража, Андижон, Наманганда +20 даража, Фарғонада +22 даража, Жиззах, Қаршида +23 даража, Гулистон, Термизда +25 даража илиқ.
4 ноябрга ўтар кечаси мамлакатнинг йирик шаҳарлари ва вилоят марказларида ҳаво ҳароратининг энг паст даражаси қуйидагича бўлди: Нукусда 0, Урганчда +1 даража, Самарқандда +2 даража, Тошкент, Бухоро, Навоий, Қаршида +3 даража, Жиззах, Гулистон, Наманганда +4 даража, Термизда +6 даража, Андижон, Фарғонада +7 даража илиқ.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)