Тошкентда мобил соҳадаги MobiCon халқаро конференцияси бўлиб ўтади

International Hotel Tashkent меҳмонхонасида 2 ноябрь куни мобил соҳадаги MobiCon//2016 халқаро конференцияси бўлиб ўтади. Тадбир рақамли технологиялар соҳасининг барча кўзга кўринган вакилларини бир майдонда йиғади. Конференция қатнашчилари ва маърузачилари орасида — Beeline, Yandex, «Одноклассники», LG Electronics, Ucell, Uzinfocom маркази мутахассислари ва бошқалар бор.

Конференция дастури ранг-баранг бўлиб, унда интернет, медиа ва телекоммуникацияни ривожлантириш мавзулари уч залда параллель тарзда муҳокама қилиниши кўзда тутилган.

Бир неча қизиқарли йўналишларни қайд этиб ўтиш керак:

Интернет. VimpelCom Ltd’нинг корпоратив алоқалар бўйича директори Эндрю Чахоянинг маърузаси «5G қандай қилиб дунёни ўзгартиради».

Стартаплар. 2017 йилда қандай қилиб стартап яратиш мумкин: Кремний Водийси тенденцияси ва дунё трендлари. Маърузачи Макс Гурвиц (Cross Border Angels).

Қўшимча реаллик, бизнес учун янги маркетинг маҳсулоти сифатида. Маърузачи: Дилшод Музаффаров (Ledokol Group).

Электрон тижорат. Мобил тижоратнинг Ўзбекистондаги истиқболлари, мобил тўловлар учун виртуал терминалларни ва МPOS тизимларни ривожлантириш. Маърузачилар: Улуғбек Рустамов (Click), Бекзод Ботиров (UPay).

Мобил соҳасида монетизация манбалари. Маърузачилар: Азиз Раҳимов, Никита Фоминов (Yandex).

Мобил ўйинлар — ғоядан сотувга қадар. Маърузачилар: Максим Шиков (PizzaGame) ва Акмал Солиҳов (Koozmeech).

Контентни тарғиб қилиш. Дамир Халилов (Green PR) YouTube, Periscope, Facebook Live орқали видео контентни тарғиб қилиш ҳақида гапириб беради, мобил иловаларни тарғиб қилиш усуллари билан Сергей Ан (Pashigrev Marketing) ва Сергей Шевченко (Webnow) ўртоқлашади. Мобил ва десктоп тарғиботи фарқлари ҳақида Алексеий Купреев ва Сергей Сердюковлар (UFOX) сўзлаб беради.

Анжуманда Ўзбекистон, Болгария, Россия, Қозоғистон, Нидерландия ва Беларусь Республикасидан жами 20 дан ортиқ маърузачилар қатнашиши кутилмоқда. Тадбирнинг тўлиқ дастури билан mobicon.uz веб-сайтида танишишингиз мумкин.

Eurasia Mobile Challenge танлови қатнашчилари учун машқ куни (Acceleration Day) уюштирилиши конференциянинг муҳим воқеаларидан бирига айланади. Кун давомида танлов қатнашчилари ўз лойиҳаларини намойиш этиши, менторлар билан суҳбатлашиши ва мутахассислар маслаҳатини олиши мумкин бўлади.

MobiCon конференцияси ташкилотчиси — Ledokol Group компанияси. Тадбир бош ҳомийси — Beeline. Click, IMG ва «Одноклассники» анжуманнинг ҳомийлари сифатида қатнашмоқда. Бош ахборот ҳамкори — Mail.ru Group. Стратегик ҳамкор — Uzinfocom маркази.

Конференцияда қатнашиш мутахассислар (телекоммуникация, иловалар яратиш, дастурлаш, рақамли маркетинг, реклама ва PR), унга алоқадор соҳа вакиллари, рақамли хизматлар буюртмачилари, ушбу соҳалар мутахассислигида таҳсил олувчи талабалар ва ОАВ вакиллари учун фойдали бўлади.

Рўйхатдан ўтиш талаб қилинади, қатнашиш эса бепул.