Янги iPhone’нинг тақдимоти 2017 йил сентябрида бўлиб ўтади. «Hi-tech.Mail.ru»нинг ёзишича, янги қурилма iPhone’дан жиддий фарқ қилгани сабабли, у iPhone 7с эмас, балки iPhone 8 номини олади.
Тақдимоти бу йил бўлиб ўтган iPhone 7 да симсиз қувват олиш имконияти бўлиши кутилган эди, чунки Apple’нинг асосий рақобатчиси — Samsung’нинг флагман смартфонларида бундай функция назарда тутилган.
Бироқ Apple янги технология татбиқини келаси йилга қолдирган кўринади. Apple’нинг ишлаб чиқариш бўйича асосий ҳамкори ҳисобланган Foxconn ҳозирда заряд қурилмаларининг мақбул барқарорлигига эришиш йўлида ишламоқда.
Бундан ташқари, Foxconn ишлаб чиқариш қувватларини керакли даражагача ошириши лозим. Ҳозирча Apple ва Foxconn мазкур ахборотга ҳозирча изоҳ бермаяпти.
Эслатиб ўтамиз, аввалроқ Япониянинг Nikkei корпорацияси янги iPhone’лар шиша корпус, OLED-экран ва USB Type-C портлари билан таъминланиши ҳақида хабар берган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)