Япониялик хонанданинг Pen Pineapple Apple Pen хити Гиннеснинг рекордлари китобига киритилди

Япониялик Пико-Таронинг Pen Pineapple Apple Pen номли видеоролиги Гиннеснинг рекордлари китобига киритилди — у Billboard журнали хит-парадига бошчилик қилган энг қисқа сингл бўлди. Бу ҳақда, The Japan News нашрига асосланиб, «Интерфакс» хабар бермоқда.

Сертификатни қабул қилиб олар экан, хонанда роликнинг бу қадар шуҳратга эришиши унинг учун мутлақо кутилмаган воқеа бўлганини тан олди.

«Мен бир кишилик аудитория учун чиқиш қилишга ўрганганман. Лекин бунақа бўлиб қолди. Интернет — ажойиб нарса!», — деди у.

Пико-Таронинг ручка, олма ва ананасдан иборат комбинация ҳақида айтган ашуласи 45 секунд давом этади. Ролик YouTube’да 131 миллион марта кўрилди.