Yaponiyalik Piko-Taroning Pen Pineapple Apple Pen nomli videoroligi Ginnesning rekordlari kitobiga kiritildi — u Billboard jurnali xit-paradiga boshchilik qilgan eng qisqa singl bo‘ldi. Bu haqda, The Japan News nashriga asoslanib, “Interfaks” xabar bermoqda.
Sertifikatni qabul qilib olar ekan, xonanda rolikning bu qadar shuhratga erishishi uning uchun mutlaqo kutilmagan voqea bo‘lganini tan oldi.
“Men bir kishilik auditoriya uchun chiqish qilishga o‘rganganman. Lekin bunaqa bo‘lib qoldi. Internet — ajoyib narsa!”, — dedi u.
Piko-Taroning ruchka, olma va ananasdan iborat kombinatsiya haqida aytgan ashulasi 45 sekund davom etadi. Rolik YouTube’da 131 million marta ko‘rildi.
Izoh (0)