АҚШ Миллий хавфсизлик агетлигининг собиқ ходими Гарольд Томас Мартин III қамоқда қолдирилди. У чет элда яширинча ишловчи Америка разведка ходимларининг номлари билан маълумотлар ўғирлашда айбланмоқда. Бу ҳақда AP агентлиги маълум қилди, деб ёзади «Ведомости».
Мартин адвокатининг уни озод қилиш ҳақидаги илтимосномасига қарамасдан, федерал судья уни қамоқда қолдирди. Чунки махсус хизмат ходими АҚШ душманларида қизиқиш уйғотиши мумкин.
Судьянинг сўзларига қараганда, Мартин 50 терабайтга яқин маълумотларни ўғирлаган ва уларнинг барчаси махфийдир.
Мартинни Миллий хавфсизлик агентлигининг собиқ ходими Эдвард Сноуденга ўхшатишмоқда. Мартин 27 август куни ўз уйида ҳибсга олинган эди. Суд ҳужжатларидан маълум бўлишича, уни тинтув қилиш чоғида махфий маълумотларга эга минглаб варақли ҳужжатлар, шунингдек, ахборотларни электрон ташувчи ўнлаб воситалар топилган.
Изоҳ (0)