Аляска яқинида 5,7 магнитудали зилзила қайд этилди

АҚШнинг Унимак ороли (Алеут ороллари, Аляска) яқинида 5,7 магнитудали зилзила қайд этилди. Бу ҳақда Россия фанлар академиясининг Ягона геофизика хизмати Олтой-Саян филиали маълумотига таяниб, «Интерфакс» хабар бермоқда.

Хабарда қайд этилишича, ерости силкиниши эпицентри орол шарқидаги Фолс–Пасс қишлоғидан 60 километр шимоли-ғарбда жойлашган.

Силкинишлар шиддати бўйича зилзила «жуда кучли» деб баҳоланди.