Тошкентдаги «Истиқлол» санъат саройида 27 октябрь куни Ўзбекистон Президенти вазифасини бажарувчи Шавкат Мирзиёевнинг 5 октябрдаги фармони талабларига бағишланган тадбир бўлиб ўтди.
Шавкат Мирзиёев 5 октябрь куни «Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида»ги фармонни имзолаган эди.
Тадбирда Бош прокуратура, Давлат солиқ қўмитаси, Тошкент шаҳар ҳокимлиги раҳбарлари фармон мазмун-моҳияти, ундан келиб чиқадиган долзарб вазифалар хусусида батафсил тўхталди.
Онлайн тарзда ташкил этилган анжуман Тошкентнинг яна тўққизта йирик муассасаси (улар орасида Ўзбек Миллий академик драма театри, «Туркистон» санъат саройи, Алишер Навоий номидаги киносарой ва бошқалар бор) ва шаҳарнинг барча туманларидаги 505 та маҳалла, шаҳарда фаолият олиб бораётган 35 мингдан ортиқ тадбиркорни қамраб олди.
«Тадбирда шаҳарнинг турли туманларидан таклиф этилган кўплаб тадбиркорларнинг фармондан келиб чиқиб киритилган янгиликлар, яратилган қулайлик ва имтиёзлар борасидаги кўплаб саволларига раҳбарларнинг шахсан ўзи жавоб берди», — дейилади Тошкент шаҳар ҳокимлиги Ахборот хизмати хабарида.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)