Европа тикланиш ва тараққиёт банки (ЕТТБ) 2017 йилда Россия лойиҳаларига инвестиция киритишни режалаштирмаяпти. Бу ҳақда Россия молия вазири ўринбосари Сергей Сторчак баёнот берди, деб хабар қилади «Интерфакс».
«Уларнинг бундай нияти йўқ. Улар молиявий режа қабул қилган, унда бизнинг лойиҳалар йўқ», — деди у журналистлар билан мулоқот чоғида.
ЕТТБ Россия лойиҳаларини молиялаштиришни 2014 йилда, Европа Иттифоқи ва АҚШ томонидан РФга қарши санкциялар жорий этилиши муносабати билан тўхтатган.