БМТ Алеппо шаҳрининг шарқий қисмидан одамларни тиббий эвакуация қилишни хавфсизлик кафолатлари мавжуд эмаслиги туфайли бекор қилди. Бу ҳақда, AP’га асосланиб, «РБК» хабар бермоқда.
Айтилишича, БМТ ярадор ва хасталарни эвакуация қилиш учун Алеппода эълон қилинган гуманитар танаффусдан фойдаланишни кўзламоқда. Шунингдек, гуманитар вакил Йенс Леркенинг сўзларига қараганда, халқаро ташкилот танаффуснинг учинчи ва тўртинчи кунларида, тиббий эвакуацияни ўтказиш билан бирга, муҳтожларга озиқ-овқат етказишни режалаштирмоқда.