«Порту», «Челси» ва «Зенит»нинг собиқ бош мураббийи Виллаш-Боаш «Вольфсбург»да иш бошлашга яқин

Португалиялик 39 ёшли мутахассис Андре Виллаш-Боаш Германиянинг «Вольфсбург» клубини қабул қилиб олади. Бу ҳақда «Чемпионат» Германиянинг Bild нашрига асосланиб хабар берди.

Бундеслига клуби Виллаш-Боашни 17 октябрь куни истеъфога чиқарилган Дитер Хеккингга муносиб ўринбосар сифатида кўрмоқда. Аввалроқ мутахассис «Порту», «Челси», «Зенит» каби клубларда фаолият олиб борганди.

Виллаш-Боаш немис тилини ўрганишни бошлаб юборган. Унинг Instagram саҳифасида немис-португал луғати турган сурат ҳам пайдо бўлди.