“Portu”, “Chelsi” va “Zenit”ning sobiq bosh murabbiyi Villash-Boash “Volfsburg”da ish boshlashga yaqin

Portugaliyalik 39 yoshli mutaxassis Andre Villash-Boash Germaniyaning “Volfsburg” klubini qabul qilib oladi. Bu haqda “Chempionat” Germaniyaning Bild nashriga asoslanib xabar berdi.

Bundesliga klubi Villash-Boashni 17-oktabr kuni iste’foga chiqarilgan Diter Xekkingga munosib o‘rinbosar sifatida ko‘rmoqda. Avvalroq mutaxassis “Portu”, “Chelsi”, “Zenit” kabi klublarda faoliyat olib borgandi.

Villash-Boash nemis tilini o‘rganishni boshlab yuborgan. Uning Instagram sahifasida nemis-portugal lug‘ati turgan surat ham paydo bo‘ldi.