Келинлар соч турмаги моданинг олдиндан айтиш қийин бўлган йўналиши ҳисобланади. Кўпчилик келинлар анъанавий образлар ва классик уйғунликни истаса ҳам тўй модаси ҳар йили ўзининг янги қоидаларини ўтказишга ҳаракат қилади. Келинг, 2017 йилда урф бўлиши кутилаётган келинлар соч турмаклари билан танишиб чиқамиз.
Йирик гулли безаклар — келаси йили ҳақиқатда машҳурлик қозонадиган безаклардир. Гулчамбарлар, тиллақош, ободоклар ва ғунчалар билан безатиш — буларнинг бари модельлар образида тез-тез учраб туради. Гуллар келинларнинг ёшлик ва гўзаллигига урғу беради.
Табиий кокиллар ва соч ўрими модалар ҳафталигининг яна бир машҳур йўналиши ҳисобланади. Албатта, сочларни идеал даражада турмаклаш шарт эмас. Енгил тартибсизлик ва ҳурпайтириш образга янада кўрк беради. Айниқса бундай соч турмак оч тусдаги ва нозик сочларга қўшимча ҳажм бағишлайди.
Агар оддийликни хуш кўрсангиз, сизга минимализм руҳидаги соч турмаклари — ўрилмай боғлаб орқага ташланган соч («от думи») ёки ёйилган кокилларни синаб кўришни тавсия этамиз. Узун ва қалин соч соҳибаларига бу вариант жуда мос келади.
50 йиллар руҳидаги ҳашаматли соч турмаги яна тўй модаси чўққисини эгаллаган. Мерилин Монро, Грейс Келли ва Марлен Дитрихнинг образларидан илҳом олишингиз мумкин.
Келинлар соч турмакларини янада хилма-хил қилиш учун унга ярақлаб турган тошларга эга тиллақошни қўшиш мумкин. Пастроқдан йиғилиб, тиллақош ёки сунъий гуллар ҳамда бошқа аксессуарлар билан танғиб қўйилган соч турмаги ҳам ажойиб кўринишга эга бўлади. Бундай соч турмаги узун соч қизларга айниқса мос келади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)