Англиянинг «Челси» футбол клуби спорт кийимларини ишлаб чиқарувчи машҳур Nike компанияси билан 900 миллион фунтга тенг 15 йиллик шартнома имзолашини тасдиқлади. Бу ҳақда «iSport.ua» хабар бермоқда.
Nike 2017/18 йилги мавсумдан бошлаб «Челси»нинг янги ҳомийсига айланади. Шартномага кўра, Лондон клуби йилига қарийб 60 миллион фунт олади. Мазкур келишув «Челси» тарихидаги энг йириги бўлади.
Шу йилнинг май ойида «Челси» Германиянинг Adidas компанияси билан ҳамкорлик келишуви шартларидан норози бўлганидан сўнг, Лондон клуби Nike билан ишлаши ҳақида хабарлар тарқалганди.
Айни дамда Nike «Челси» жамоаси аъзолари Эден Азар ва Виллиан билан ҳамкорлик қилади.