Google Android 7.1 янги версиясининг анонсини берди

Google компанияси дастурчилар учун янги тизимнинг (Developer Preview) бета-версияси ишга туширилганини маълум қилди. Android 7.1 нинг якуний версияси декабрда пайдо бўлади, деб хабар бермоқда «Hi-Tech.Mail.ru».

Android 7.1 операцион тизимида ҳеч қандай жиддий ўзгариш кутилмаяпти, негаки бу оралиқ янгиланишдир. Интерфейсдаги асосий янгилик — Pixel Launcher’да айрим дастурлар рамзлари айлана шаклга келтирилади.

Тизимда, шунингдек, ускуна хотирасини кераксиз файллардан тозалайдиган Storage Manager Intent дастури пайдо бўлади. Клавиатура ҳам ўзгаради — стикерлар ва анимацион gif расмлар пайдо бўлади. Android 7.1 даги ускуналар Daydream виртуал реаллик платформасини қўллаб-қувватлайди.

Android 7.1 Developer Preview’ни октябрь ойининг охирроғида кўчириб олиш мумкин бўлади. У Nexus 5X, 6P смартфонларига, Pixel C планшетига ўрнатилади.

Якуний версия релизи 2016 йил декабрига мўлжалланган.