Самарқанд шаҳрида терминал ўрнатилган йўловчи автобуслари пайдо бўлди. Бундай автобусларнинг суратлари Facebook’да эълон қилинди, деб хабар беради «Сarzone.uz».
Терминаллар қачондан, қайси йўналишларда қатновчи автобусларга ўрнатилгани, мазкур янгилик нечта автобусни қамраб олгани ҳақида аниқ маълумотлар йўқ. Аксарият Facebook фойдаланувчилари мазкур янгиликни хурсандчилик билан қарши олди, «бозорларда ҳам терминаллар жорий этилса яхши бўларди», деган фикрларни билдирди.
Сурат эълон қилинган Facebook’даги саҳифаларнинг бирида бу амалиёт асосан Самарқанддан туманларга қатнайдиган автобусларда жорий этилгани, шаҳар ичида ҳаракатланувчи автобусларда нафақат нақд пул, балки жетонлар ёрдамида ҳам ҳисоб-китоб қилиш мумкинлиги ёзилган.
Маълумот учун, 2016 йилнинг 1 майидан бошлаб Самарқанд автобусларида йўл ҳақи воситаларидан бири сифатида пластик карточкаларга харид қилинадиган жетонлар жорий этилди.
Изоҳ (0)